بئل الیمده گلیرم سنه ساری
بیر ایشارت وئر آخی سنده باری
بو صداسیزلیغین اینجیدیر منی
بیر ایشارت وئررسن گؤرم سنی
بولورم سن نه ایچون آغلامیسان
قورخوسان كدرلنم سیزیلتینا
بو وفاسیز دووارین آغیرلیقی
سنی ده سس سیز قویوبدور آی آنا
بو نیسگیل نیه گلدی باشیمیزا؟
نه ایچون آیریتدی بیزی آی آنا؟
آناسیزلیق دردی دردیمه قالان
كاش اوتانسین بیزی بو درده سالان
قاراداغ اتیینده اؤله اؤله
بو دووارین قالانین سؤكه سؤكه
یانلیز بیر آرزی قالیب بو اؤلكه ده
بیر ایشارت وئررسن گؤرم سنی
سنی من قوجاقلایام، اؤپم سنی
بئل الیمده گلیرم سنه ساری
بیر ایشارت وئر آخی سنده باری
مریم علی زاده
1391/5/26
كؤنلوم حیط لی بیر ائو ایستیر
اوجا آپارتومان یوخ
بو اوجا بورجلاردان
بیزیم شهریمیزده چوخ
كؤنلوم بیر دام ایستیر
گئجه لر اوردا یاتام
باشیم یاستاق اوستونده
اولدوزلار لا دانیشام
او صفالی حیط ده
كؤنلوم بیر آغاج ایستیر
یای لار اوندان توت درم
یا بیر آغاج اولسون كی
اوستونده من كوف گئدم
كؤنلوم ایستی یای ایستیر
گولن اوشاقلار ایستیر
كوچه لرده چرخ سورماق
اونلار لا هئی دانیشماق
یا سولاشتی اویناماق
كؤنلوم اوشاقلیق ایستیر
كؤنلوم سرین قیش ایستیر
رحمتلیك كورسوسونن
دالیسیندا ییغیشماق
دئمك گولمك ایستیر
كؤنلوم بیر قونشو ایستیر
گونده گلسین ائومیزه
توی لار ایله یاس لاردا
یاردیم اولسون او بیزه
كؤنلوم اسكی تبریزی
او باغلارینان ایستیر
او قدیم كی آدام لار
صفالارینان ایستیر
كؤنلوم چوخ شئی لر ایستیر
آمان اله گلمزلر
اونلار یادیگار اولوب
یانلیز یادا دوشللر
مریم علی زاده
91/4/9
بو دونیادان یوخدور پاییم
داریخمیشام او دونیایا
نه واریم دیر كی آسلانام؟
داریخمیشام او دونیایا
گونلریمیز بیر رنگده دیر
سحر، آخشام، یئییب، یاتماق
ایشمك، شیشمك، فیكیر آلچاق
ساغلیغیمیزدا تاققالاق
داریخمیشام او دونیایا
خوش گونلریمیز قورتاریب
یامان گونلرده یولدادیر
تحمل یوخ بوندان پیسه
داریخمیشام او دونیایا
كیمین گؤزو گؤتورمدی؟
اوشاقلیغین خوش گونلرین
قوناقلیقلاردان یاد قالدی
داریخمیشام او دونیایا
بو دونیادان یوخدور پاییم
داریخمیشام او دونیایا
نه واریم دیر كی آسلانام؟
داریخمیشام او دونیایا
گونلریمیز بیر رنگده دیر
سحر، آخشام، یئییب، یاتماق
ایشمك، شیشمك، فیكیر آلچاق
ساغلیغیمیزدا تاققالاق
داریخمیشام او دونیایا
خوش گونلریمیز قورتاریب
یامان گونلرده یولدادیر
تحمل یوخ بوندان پیسه
داریخمیشام او دونیایا
كیمین گؤزو گؤتورمدی؟
اوشاقلیغین خوش گونلرین
قوناقلیقلاردان یاد قالدی
داریخمیشام او دونیایا
قوهوم،یولداش كؤچوب گئتدی
یا او دونیا یا خارجه
ندن قالدیم بو دونیادا
داریخمیشام او دونیایا
بو دونیانین الیندن من
پناه گتدیم اینترنته
هامی دوستلار مجازی دیر
یوخدور بیر دوردان یولداشیم
داریخمیشام او دونیایا
نه سئوگی وار،نه سئوگیلی
كی او منه دایاق اولا
ندن قالدیم بو دونیادا
داریخمیشام او دونیایا
درس، دانیشگاه،سوال،جواب
درسدن چوخ چكدیم عذاب
ایش اولمادی
بئكار قالدیم
ندن بو دونیادا قالدیم
داریخمیشام او دونیایا
وطن دئییب اود توتورام
یوخدور بوردا وطن پاییم
شاید او دونیادا اولا
داریخمیشام او دونیایا
اومودوم یوخ بو دونیایا
دوستاق اولوبدور بیر داها
كئشكه تئزدن گله باشا
داریخمیشام او دونیایا
مریم علی زاده
۹۱/۶/۲۹
قلم سن نه ایمیشسن
ایللرجه قیدمتین وار
یارادما زاماندان بشره خیدمتین وار
ذهنیم ده بیر سورغو وار
یاشاییش برق سیز، ایمكانی وار؟ اولور مو؟
اورك دئییر
هن اولار
آمما قلم سیز نئجه؟
عقیل ده دئییر اولماز
قلم سن نه ایمیشسن
نیفرت لری یارالدان
بویوك جنگ لر سالان
یا وسیله اولموسان
صولح آلتین ایمضالایان
قلم سن نه ایمیشسن
دوشونجه نی یارادان
بو دوشونجه ایچیندن
مكتب لری چیخاردان
هر اینقیلاب واریدی
سنین الین واریدی
دولت دییشن كاغاذ
یا اعدام حوكموده
سن اولماسان واریدی؟
قلم سن نه ایمیشسن
سئوگی رسیمی چكن
مین ایللر بوندان قاباق
شاعیرلرین سؤزلرین
گلجیه یئتیرن
قلم سن نه ایمیشسن
علم لری یارالدان
اینسان لارین دردینه
همیشه چاره تاپان
قلم سن نه ایمیشسن
منیم دویغولارم سان
اوركده كی غم لره
منیم تك دایاقیم سان
ناشوكورلوق اولماسین
تانریه تای عزیزسن
یئر و گؤی آراسیندا
منیم تك سئودیگیم سن
مریم علی زاده
91/3/26
ایللرجه قیدمتین وار
یارادما زاماندان بشره خیدمتین وار
ذهنیم ده بیر سورغو وار
یاشاییش برق سیز، ایمكانی وار؟ اولور مو؟
اورك دئییر
هن اولار
آمما قلم سیز نئجه؟
عقیل ده دئییر اولماز
قلم سن نه ایمیشسن
نیفرت لری یارالدان
بویوك جنگ لر سالان
یا وسیله اولموسان
صولح آلتین ایمضالایان
قلم سن نه ایمیشسن
دوشونجه نی یارادان
بو دوشونجه ایچیندن
مكتب لری چیخاردان
هر اینقیلاب واریدی
سنین الین واریدی
دولت دییشن كاغاذ
یا اعدام حوكموده
سن اولماسان واریدی؟
قلم سن نه ایمیشسن
سئوگی رسیمی چكن
مین ایللر بوندان قاباق
شاعیرلرین سؤزلرین
گلجیه یئتیرن
قلم سن نه ایمیشسن
علم لری یارالدان
اینسان لارین دردینه
همیشه چاره تاپان
قلم سن نه ایمیشسن
منیم دویغولارم سان
اوركده كی غم لره
منیم تك دایاقیم سان
ناشوكورلوق اولماسین
تانریه تای عزیزسن
یئر و گؤی آراسیندا
منیم تك سئودیگیم سن
مریم علی زاده
91/3/26
سئوگی محكمه سینده دار آغاجینا محكوم اولدوم ... دارآغاجینا ساری گئدر كن اللریم تیر تیر تیتیریر آیاقلاریم تیر تیر آسیر اورییم چیرپینیر دیل دوداقیم توتولوب ... گؤزلریم گؤزلرینه ساتاشدی گوجومو ییغدیم دئیم سئویرم سنی ... باشیمی سالدیم یئره یولومو توتدوم ... آمان شرم و حیا الیندن
وبلاقا گؤره
اونودولموش شاعیرلییمی یادیما سالدین
من شاعیر اولمایاجاقدیم
سن منی شاعیرلتدین!
سون یازیلار
بؤلوملر
آچارسؤزلر
- شعر (4)
- سئوگی (3)
- آنا (2)
- تورکجه (2)
- بایاتی (1)
- شیرین (1)
- محرم (1)
- دونیا (1)
- تورک (1)
- آزربایجان (1)
- وطن (1)
- آراز (1)
- مریم_علی_زاده (1)
- قیسا_شعر (1)
- قیسا شعر (1)
- تورکجه شعر (1)
- مریم علی زاده (1)
- شعر ترکی (1)
باغلانتی لار
ساخلانج
- خرداد 1402
- بهمن 1397
- دى 1395
- آذر 1395
- آبان 1395
- مرداد 1394
- فروردين 1394
- اسفند 1393
- شهريور 1393
- مرداد 1393
- تامام آیلار
سایغاج
- ایندی وبلاقدا :
- بو گونون گؤروشو :
- دونه نین گؤروشو:
- بو آیین گؤروشو :
- بوتون گؤروشلر :
- یازیلار :
- باخیشلار :
- یئنیله مه چاغی :