من هاردایام؟ هئچ نه تانیش دئییل! ندن بو قدر آغ؟
-"سن اؤلموسن"
یوخ اولماز! باخ من نفس چكیرم. هر نه یی بیلیرم. اولماز! من
دیرییم.
-"سن اؤلموسن"
اه سوس! من دیرییم.
بلكه ده دوز دئییر. باخ یئره آغ آپ باغ دیر. سان كی اوستونه
كافور سپیبلر.
گؤزلریم یانیر. سوسوزام.
سانیرام یئرده سوسوزدور!
بو یئر گؤر نه تانیش گلیر. هن اوشاقلیق آنی لاریمی
دیریلدیر! بیز اوشاقلیق دا بورایا چوخ گلمیشدیك. یقین بورانی تانیییرام. اما آدی،
آدی یادیما دوشمور! گؤررسن بورا هارادی؟
اوردا بیر مئیدان وار. مئیدانین ساعاتی دا وار. ساعات 6. ندن
بو ساعات اؤنه گئتمك یئری گئری دؤنور. ساعات دان قان دامیر!
دئیه سن اوردان بیر كیشی گلیر. قوی سوروشوم گؤروم هاردایام.
آ آ. بس نیه دانیشانمیرام؟! دیلیم! دیلیم! دیلیمین باشینا نه گلیب؟!
تانریم بو نه اویونلاردیر باشیما گلیر؟!
یوخودان آپبیلدیم. سحر اولموشدو. آتام كهنه رادیوسون
آشمیشدی.
-"بحران دریاچه ارومیه هنوز هم به قوت خود باقی ست."
پنجره نین دالینا گئتدیم، پرده نی كنارا ووردوم. گئجه دن
یاغان قار هله ده یاغیردی. یئر آغ آپ باغ ایدی، گئجه گؤردویوم قاراباسما (كابوس)
تكین.
مریم علی زاده
92.9.2