نه دئپرئم ائوی ییخار

اونوت دئدیلر
بیلمه دیلر دونیانین ان زور ایشی
اونوتماقدیر
داها عاشیق اولماماغیما امینم
سنی اونوتماماق كیمی

یازیلیشدیقلاریمیزی سیلدیم
داها نه فیس بوكدا مئساژلارین قالیر 
نه موبایلیم دا

هامی بو سئوگینین یانلیش اولماغین دئییر
نه یازیق
آلیشان اوركدیر
دیل قانمیر

سندن منه 
یانلیزلیق یوكو قالیب
عمر بویو اونو چكمه لییم
اورییم اوسته 
گیریش یاساق تابلوسو اكیرم
داها كیمسه نی یول وئرمه یه جه یم
سئومك منه یاساق دیر یاساق

بیلمیرم نئچه ایل سونرا
سنه وئردیگیم یادگارلارا باخاندا
نه دئیه جك سن
بلكه دئیه سن بو قیز منی سئویردی ها
بلكه ده هئچ یادیندا اولمایام
اما سندن قالان آنی لاری 
اونودا بیله رم می؟

هر نه بیتدی
داها سنی سئومك یانلیش دیر یانلیش
قان سانا اورك قان سانا
بو سنی دوشونوب سون یازدیغیم شعردیر
بو گئجه یاخین یولداشلار لیسته سیندن ده 
آدینی چیخارداجاغام
تانری امانیندا
الوداع الوداع!

مریم علی زاده
93.6.9

سنى

گون باشینا دئییل

بیز فرقلی دیك

یارین جنهمه گئدیرم
اوردا نه بولئنت گوجلو بیر سس وار
نه اورهان شخصیتده ساز چالان
نه تاتار رمضان تك بیر عصیانچی
نه آجون وار ایلنجه پروقراملاری لا
نه ائبرو وار آلدیغی هدیه لری له
مملكتی ویران قویان اردوغان لا، ال بیر اریله
نه ده ایلكر وار آجی بیبر یئدیرتمك اوچون


یارین بیر قهبه یه قوناق گئدیرم
كیمسه كئیفین ناسیل سئویر
اونلا سورور
بیری سویوق قوجاغیندا
كارتن یورغانیله یاتیر
بیری بوش وعده لره
گله جه یین ساتیر
بیری خط واحدلرینده
"سلطان قلبم" چالیر
بیری گونده قیزیللاری
بیربیری اوسته قالیر
بیریسی ده پاستوردا، بهارستاندا
باشیمیزا یئنی داشلار سالیر
تكجه دوداقلارینین آجیسیدیر
گونده منیم ایچیمه دامیر!
دولدور به مئیحانه جی
هیچ بیتمییور دردلریم!


یارین،
نه سانلی لا
اوشاقلایغا قاییتماق وار
نه آنامین نفسین دویماق
نه آتامین گولوشون گؤرمك
نه قارداشیملا شوخلوق ائتمك
نه بؤیوك آنامی اؤپمك


یارین...
لعنت اولسون...
لعنت اولسون دونیانین بوتون باش كندلرینه!

مریم علی زاده
92.11.14

سئوگی سیز یاشاماق