سوس
سوسماقدا چوخ سؤز وار دئمیشلر
داها منده سوساجاغام
بیز قورخاق دوغولدوق گؤزلیم
هپ سوسدوق
سوسدوق حاقسیزلیقلار قارشیسیندا
آدام چوخ بیلر آز دانیشار دئمیشلر
بیزیم بئلیمیزی بو دئمیشلر قیردی
دئدیلر، قورخدوق، سوسدوق
سوسوزلادی اورمو گؤلوموز
خسته لندی تبریزیمیز
داغیلدی قاراداغیمیز
تالاندی قاراباغیمیز
دیك دور، گؤزلریمه باخ
بوتون بوغدوغون سؤزلری
هارایلا قاداسی!
مریم علی زاده
92.10.7