گؤزلرین تاریخ آغیرلیغین داشیییر
آنلیندا شرفلی بایراغیمیز یئلله نیر
و الینده قینیندان چیخمیش قلم لر
و دیلین
كسكین دیلین
شرفیمیزه توخونان جاناوارلارین جانینا
اوخ آتیر
دیل سیزلر آراسیندا
تكجه سنی دینلندیرمه ییم گلیر
سنین یومروق اللرین
اوزاغا ساتاشان باخیشین
و محكم آددیم لارین
اورییمه ایشیق ساچیر
سن پولیس لری ایضطیرابدا یاشادان
گله جه ییمزی ایشیقلاندیران
آنا توپراغا باغلی
تورك اوغلو
تورك سن!
مریم علی زاده
۹۱.۱۰.۲۸