دونیانین ان یورغون شاعیری
آغ
+0 به یه ن
هر نه آغ وارسا
اونون ایچینده بیر بؤیوک تهلوکه وار
شکر، دوز، قار
قار کافوردور
سپیلیر شهرین آداملاری اوسته
قار کفندیر
چکیلیر شهرین لوت خیاوانلاری اوسته
قاردان قار آدامی دوغولور
شخته وورموش کؤنلویله
نئچه گونلوک عمرویله
قار قار قار آغاجدا قارغا
یئرده قار
گؤیده تانرینین دونموش گؤز یاشلاری
اضطراب یارالدیر ایچیمده
بیلیرم بیر گون اضطرابدان اؤله جه یم!
#مریم_علی_زاده
بؤلوم : شعر یازار : مريم علي زاده 1 باخیش
آغری
+0 به یه ن
تاریخ بویو
تبریزین دشمنلریندن یئدیگی کتک لرین یئری
قلبیمده چوخ آغریر
بیر گون بو سانجی
نفرت له دولو
دشمن لره قارشی چوخ تهلوکه لی
بیر قادین دوغاجاق
۲۱ آذر ۹۵
#مریم_علی_زاده
بؤلوم : شعر یازار : مريم علي زاده 2 باخیش
لعنت اولسون جنگلره
+0 به یه ن
جنگ چوخدان قورتارسادا
آتامین اؤسکورتولری
گئجه لر ائوین
چاغریلمامیش قوناغیدیر
لعنت اولسون بوتون دونیا جنگلرینه!
مریم علی زاده
۹۵.۸.۱۵
بؤلوم : شعر یازار : مريم علي زاده 3 باخیش
اعتراف می کنم
+0 به یه ن
اعتراف می کنم
همیشه آدم عاشقی بوده ام
و عشق شعر درونم را می سرود
اما این چند سال...
نمی دانم شاید پیر شده ام
از این می ترسم،
"عشق پیری گر بجنبد، سر به رسوایی زند"!
مریم علی زاده
۹۵.۸.۳
بؤلوم : شعر یازار : مريم علي زاده 0 باخیش
قیسا شعر
+0 به یه ن
نه دئپرئم ائوی ییخار
نه پاراسیزلیق گونو قارالدار
نه اعتیاد نوخوشلادار
اؤلومه اوغورلایان
سئوگی دیر
سئودیگینه یئتیشمه سن
۹۴/۱/۲۱
بؤلوم : شعر یازار : مريم علي زاده 1 باخیش
سن له داعشین نه فرقی وار؟
+0 به یه ن
سن له داعشین نه فرقی وار؟
داعش باش کسیرسه
سن کؤنلومو سیندیردین
سن له داعشین نه فرقی وار؟
داعش موزه لری سیندیریرسا
سن منیم وارلیغیمی
شعرلریمی الیمدن آلدین
داها شعرلریم سن سیز قالیب
داها دویغولاریم...
بویورون کؤنلومون افندی سی
یاپدیغینیزا باخیرسینیز می؟
باخ من همانام
بیر آز سرتلشمیش
بیر آز قوروموش
بیر آز اؤلموش
و سن
سن ده همان...
یوخ دئییلسن
آمان آمان آی امان
هئچ وئجیینه ده دئییل
نه ائدیم
قارقیش باجارمیرام
آنام منه نفرتی اؤیرتمه دی
من اورک سیندیرماغی دا باجارمیرام
باخ، دوشمن لریمله ده
مذاکره قاپیسیندان گیریرم
نه دیکتاتورلوغو اؤیرندیم
نه دیکتاتورلاری قارقیش ائتمه یی
نه ده بیریسینین اؤلوموندن سئوینمه یی
اما سن...
اؤلدوروب کئچدین
اؤلوم نفس کسیلمه دئییل
اؤلوم کؤنلون سینماغیدیر
اؤلوم دویغولارین اؤلمه سیدیر
سن له داعشین نه فرقی وار؟
بویورون کؤنلومون افندی سی
یاپدیغینیزا باخیرسینیز می؟
بیلمیرم ندن سئوگی می دویاندان سونرا
نه مئساژلاریما جاواب وئردین
نه تئلئفونلاریما
یقین سئوگی مه لایق دئییلدین
سن ده منی سئوسیدین
دونیا حسرت قالاردی سئوگی میزه
بوتون شعر دفترلری سئوگی میز له دولاردی
یئنی نظامی لر یاراناردی، یئنی واحیدلر، یئنی کسمنلی لر
یئنی سارالار، یئنی ساری گلین لر
یئنی اصلی لر، یئنی کرم لر
سن له من یئنی دن یاراناردیق
شعرلریمیزده
دویغولاریمیزدا
ساواشلاریمیزدا
اما سن...
سؤز وئرمیشدیم
داها شعر یازمایام
یازین گلمه سی
یئنه منی شاعیرلتدی
93.12.16
بؤلوم : شعر یازار : مريم علي زاده 4 باخیش